Rabu, 02 November 2016

3. MOP/CERPEN LUCU.



1.Yakob dan Pendeta.
==================
Yakob sakit parah di RS. Keluarga undang Pendeta berdoa. Waktu Pendeta mendekat tiba-tiba napas Yakob langsung sesak, tangan gametaran...
Pendeta: "Tolong ambil pulpen dan kertas. Barangkali Yakob mo tulis pesan!"
Selesai menulis, Yakob langsung mati, karena panik Pendeta masukan kertas ke dalam saku. Waktu ibadah pemakaman, pendeta ingat kertas tadi. Selesai khotbah, pendeta berkata: "Oh iya, sa bru ingat, ada surat dari Almarhum."
Begitu Pendeta buka surat, Pendeta langsung jatuh pingsan. Jemaat panik, langsung ambil suratnya dan baca, isi surat Yakob:
"Pendeta, tolong berdiri ke sana sdikit, kita pu selang oksigen ko ada injak..."

2.cucu dan tete
=============
Ada anak kecil 1 nama Kanip, de tinggal deng de pu tete di kampung, baru dong pu rumah tu belum ada listrik ka ini.
Trus begini, kan su malam, jadi tete deng Kanip ni cuma kasi terang rumah deng pelita saja.
Sekarang dong mo tidur, tapi nyamuk tinggal sambar-sambar trus. "NYIIINGGG!"
Kanip de bilang, "Tete nyamuk banyak skali ni..."
Tete jawab, "Coba cucu ko kasi padam pelita?"
Jadi Kanip mulai jalan kasi padam pelita. Kaget begini kunang-kunang masuk. Kanip langsung angkat bicara, "Tete itu apa???"
Tete ko jawab, "Cucu... sssttt, ko diam! Tu nyamuk dong ada cari tong dua pake senter.!

3.nene dan cucu
===============
Suatu hari ada anak kecil lari-lari sambil menangis, baru da bilang ke da pu nene
Anak : "Nene nene, tete su meninggal!!"
Nene : "Ah, iyo ka? sini nene mo pinjam hape dulu.."
Anak : "Untuk apa?"
Nene : "Sa mau buka facebook dulu, mo update status dari 'menikah' menjadi 'lajang..??
Anak : ????

Semoga Terhibur...!!

By.Omaken genit.
Reaksi:

0 komentar:

Posting Komentar